- રજિસ્ટ્રેશન વિનાના વિદ્યાર્થીઓ માટે ફરી પોર્ટલ ઓપન થશે
- 7થી 13 જૂન દરમિયાન ફરી રજિસ્ટ્રેશન પ્રક્રિયા હાથ ધરાશે
- રજિસ્ટ્રેશનની કાર્યવાહી તા.16મી મેથી શરૂ કરવામાં આવી હતી
ડિપ્લોમા ઈજનેરીના બીજા વર્ષમાં પ્રેવશ માટે કુલ 35,775 બેઠક સામે માત્ર 3,054 વિદ્યાર્થીઓએ જ રજિસ્ટ્રેશન કરાવાવ્યું છે. રજિસ્ટ્રેશનથી વંચિત રહ્યાં હોય તેવા વિદ્યાર્થીઓ માટે એડમિશન કમિટી દ્વારા ફરી એકવાર પોર્ટલ ઓપન કરવામાં આવશે. જેમાં તા.7થી 13 જૂન દરમિયાન વિદ્યાર્થીઓ રજિસ્ટ્રેશન કરાવી શકશે.
ડિપ્લોમા ઈજનેરીના બીજા વર્ષમાં પ્રવેશ માટે રજિસ્ટ્રેશનની કાર્યવાહી તા.16મી મેથી શરૂ કરવામાં આવી હતી જે આજે 1લી જૂનના રોજ પૂર્ણ થઈ છે. આ દરમિયાન કુલ 3,054 વિદ્યાર્થીઓએ રજિસ્ટ્રેશન કરાવ્યું છે. રજિસ્ટ્રેશનથી વંચિત રહી ગયેલા ITI,, TEB,, IGTRના બે વર્ષની લાયકી પ્રમાણપત્ર ધરાવતા વિદ્યાર્થીઓ માટે 7 જૂનથી 13 જૂન સુધી પોર્ટલ ઓપન કરવામાં આવશે. ઉલ્લેખનીય છે કે, એડમિશન કમિટી ફોર પ્રોફેશનલ ડિપ્લોમા કોર્સિસ (ACPDC) દ્વારા ડિપ્લોમા ઈજનેરીની 31 સરકારી, 5 ગ્રાન્ટેડ અને ખાનગી તેમજ પીપીપી મળી 110 કોલેજની અનુક્રમે 10,230, 324 અને 25,221 બેઠકો મળી કુલ 35,775 બેઠકો માટે પ્રવેશ પ્રક્રિયા હાથ ધરવામાં આવેલી છે.
