- અમદાવાદ AMC પ્રિ-મોન્સૂન કામગીરી પર સવાલ ઉઠ્યા
- અમદાવાદના 6 સ્થળો પર મસમોટાં ભૂવા પડ્યા
- સ્થાનિકો દ્વારા વારંવાર સવાલ ઉઠાવવામાં આવ્યા છે
એક તરફ વરસાદી માહોલ રાજ્યભરમાં જામ્યો છે, ત્યારે વિવિધ શહેરોમાં વરસાદ પહેલાં તંત્રની કામગીરી સામે સવાલો ઉઠ્યા છે. જેમાં અમદાવાદ AMC પ્રિ-મોન્સૂન કામગીરી પર સવાલ ઉઠ્યા છે. વરસાદના કારણે શહેરીજનો પરેશાન થઈ રહ્યા છે, જેમાં ઠેર-ઠેર નાના મોટાં ભૂવા પડતાં સ્થાનિકોનો તંત્ર સામે રોષ ભભૂકી રહ્યો છે.
હાલમાં જ AMC દ્વારા પ્રિ-મોન્સુન કામગીરી શરૂ કરવામાં આવી છે જેના વચ્ચે અમદાવાદના 6 સ્થળો પર મસમોટાં ભૂવા પડ્યા છે. જેના કારણે કેટલાંક વિસ્તારોમાં ગાડી પણ ભૂવાની અંદર ખાબકી ગઈ હોય તેવી ઘટના બની છે. તેમજ કેટલાંક સ્થાનો પર ખાડાના કારણે ટ્રાફિક જામના દ્રશ્યો જોવા મળ્યા છે.
એટલું જ નહીં તંત્ર દ્વારા અગાઉ જ્યાં ખાડા ખોદીને પૂરાણ કરવામાં આવ્યું હતું ત્યાં જ ખાડા પડી રહ્યા છે. જેના કારણે એક જ સ્થળ પર વારંવાર ખાડાના કારણે લોકોને મુશ્કેલીનો સામનો કરવો પડી રહ્યો છે. બીજી તરફ ખાડાનું યોગ્ય પૂરાણ કરવામાં ન આવતા હોવાના કારણે મુખ્યમાર્ગ પર જ ટ્રાફિકની મુશ્કેલીઓ ઊભી થઈ રહી છે.
અમદાવાદ ભૂવાબાદ બન્યું છે. જેમાં કોર્પોરેશનની ગંભીર બેદરકારી સામે આવી છે. તેમાં વાળીનાથ ચોક પાસે મસમોટો ભૂવો પડ્યો હતો. તેથી રિંગ રોડ પર ભૂવો પડતા ટ્રાફિક જામ સર્જાયો છે. તેમજ AMC પ્રિ-મોન્સુન કામગીરી પર સવાલ ઉઠ્યા છે.
વરસાદની હજી પણ આગાહી
આ ઉપરાંત હવામાન વિભાગની આગાહી અનુસાર છેલ્લા બે – ત્રણ દિવસથી રાજ્યના મોટા ભાગના વિસ્તારોમાં ભર ઉનાળે વરસાદ વરસી રહ્યો છે. જેમાં અમરેલી, વલસાડ સહિત અનેક વિસ્તારોમાં ગાજવીજ અને પવન સાથે ધોધમાર વરસાદ વરસ્યો છે. હવામાન વિભાગની આગાહી અનુસાર આજે પણ રાજ્યના કેટલાક વિસ્તારોમાં વરસાદ પડવાની સંભાવના છે. તો કેટલાક જિલ્લાઓમાં ઉકળાટ સાથે ગરમી પડશે.
