ભાવનગર જિલ્લાના પાલીતાણા તાલુકાના કદમગીરી ગામના ડુંગર વિસ્તારમાં મોડીરાત્રે અચાનક વિકરાળ આગ લાગી હતી આ આગ પાલીતાણા ફાયર ઘટનાસ્થળે દોડી આગને કાબુમાં લેવાનો પ્રયત્ન કર્યો હતો પરંતુ આગ વિકરાળ હોવાને કારણે શિહોર, મહુવા, તળાજા, અલંગ, ભાવનગર અને ગારીયાધાર ફાયર ફાઈટર પણ સાથે જોડાઈ ઘટના સ્થળે દોડી જઈ પાણીનો મારો ચલાવ્યો હતો.
કલાકોની ભારે જહેમત બાદ આગ પર કાબુ મેળવ્યો
પાલીતાણાના કદમગીરી ગામના ડુંગર વિસ્તારમાં મોડી રાત્રિના 12:30 કલાકે આસપાસ પાલીતાણા ફાયર વિભાગમાં કોલ આવતા કદમગીરી ગામ પાસે આવેલ કમળા મંદિર વાળા ડુંગર પર આગ લાગેલ પાલીતાણા ફાયર વિભાગ તાત્કાલિક ઘટના સ્થળે પહોંચેલ આગ પર કાબુ મેળવવાનો પ્રયાસ કર્યો હતો, પરંતુ આગે એટલી વિકરાળ સ્વરૂપ ધારણ કર્યું હતું કે તાત્કાલિક કરીને શિહોર, મહુવા, તળાજા તથા ગારીયાધાર, અલંગ તથા ભાવનગર તમામ ફાયર સ્ટાફ પણ સાથે રાખી ભારે જહમત બાદ સવારે 8:30 કલાકે આગને સંપૂર્ણપણે કાબુમાં આવી હતી, આમ, 8થી 9 કલાકની ભારે જહેમત બાદ આગ પર કાબુ મેળવ્યો હતો.
અન્ય જિલ્લાની ફાયરવિભાગની ટિમો તાત્કાલીક બોલાવી
પાલીતાણા ફાયર ના મયંકભાઈ ઉપાધ્યાય અને જયદીપસિંહ ચાવડા એ જણાવ્યું હતું કે પાલીતાણા કદમગીરી ગામના ડુંગર વિસ્તારમાં એકાએક આગ લાગી હતી જ્યાં ઘટનાસ્થળે તાત્કાલિક ફાયરવિભાગનો સ્ટાફ દોડી જઇ પાણીનો મારો ચલાવ્યો હતી પણ આગ એટલી વિકરાળ હોવાને કારણે ભાવનગર જિલ્લાઓની પણ ફાયરવિભાગની ટીમોને તાત્કાલિક જોડાઈ અને આગ પર કાબુ મેળવ્યો હતો. આ આગનું કારણ જાણવા મળેલ નથી, આ ઘટના ના પગલે લોકોના ટોળા ઉમટી પડ્યા હતા.
